ပုဂံညောင်ဦး- ကျောက်ပန်းတောင်း သွားရင်
လက်ပံပျားကြက်ကြော်က အကောင်းဆုံးအစားအစာပါ။
လက်ပံပျားကြက်ကြော်
ရန်ကုန်မှာ ကေအက်ဖ်စီ ကြက်ကြော်ဆိုင် စဖွင့် တော့ လူတွေကြိတ်ကြိတ်တိုးအား ပေးကြတာ ၀က်ဝက်ကွဲပါ။ အမေရိကန်လို နိုင်ငံကြီးကနေ လာဖွင့်တဲ့ နာမည်ကြီးကြက်ကြော်ဆိုင် ဆိုတော့ လူတွေစုပြုံတိုးကြတာ ဘာဆန်းလဲ။ ကေအက်ဖ်စီလိုပဲမြန်မာနိုင်ငံမှာ နာမည်ကြီးတဲ့ ကြက်ကြော်ရှိပါတယ်။ မိတ္ထီလာ-ကျောက်ပန်း တောင်းလမ်းပေါ်က လက်ပံပျားကြက်ကြော်ဆို သိကြ မယ်ထင်တယ်။
ကျောက်ပန်းတောင်း၊ မ ကွေး၊ နတ်မောက်၊ ချောက်၊ ရေနံ ချောင်း၊ တောင်တွင်းကြီး၊ ပြည်၊ ဆိပ်ဖြူ၊ စလင်းအစရှိတဲ့ ဒေသ တွေသွားမယ်ဆို ကျောက်ပန်း တောင်းမြို့နယ်ထဲမှာရှိတဲ့ လက်ပံ ပျားကျေးရွာမှာ ထမင်းစားနား လေ့ရှိကြတယ်။ ကားရပ်ပြီဆို စတီးလင်ပန်းတို့၊ သံလင်ပန်းတို့ တွေပေါ်မှာ နီရဲရဲဝင်းပြောင်နေတဲ့ ကြက်သားကြော်တွေ ခေါင်းပေါ် ရွက်ပြီး လာရောင်းတတ်တဲ့ လက် ပံပျားကြက်ကြော်သည်လေးတွေ ကို တွေ့ရမှာ ဖြစ်ပါတယ်။
ကြက်ကြော်တွေက လင်ပန်း ထဲမှာ စီစီရီရီတင်ထားတာက စားချင်စရာပါ။ ရင်အုပ်ကြီးတွေကို တစ်ခုပေါ်တစ်ခု ဆင့်တင်ပြီး ပတ် ပတ်လည်စီထားတယ်။ အလယ် မှာတော့ ရင်အုပ်တွေ။ လစ်ဟာ နေတဲ့ နေရာလေးတွေမှာတော့ ကြက်အသည်းအမြစ်၊ ကြက်ကလီ စာကြော်လေးတွေ။
လက်ပံပျားကိုရောက်ပြီဆို တာနဲ့ ကြက်ကြော်ကောင်းကောင်းစားရတော့မယ်ဆိုတာ စားဖူးသူ တွေသိတယ်။ တချို့က ၀ယ်ပြီး ဒီအတိုင်း တကျွတ်ကျွတ်စားပစ် တယ်။ တချို့ကတော့ ထမင်းဆီ ဆမ်းလေးမှာ ထမင်းထဲ ကြက် ကြော်လေးတွေ မျှင်နွှာထည့်ပြီး ထမင်းနဲ့ ကြက်ကြော်စားလိုက်၊ အရိုးလေးကိုက်လိုက် ရေနွေး သောက်လိုက် စားတတ်ကြတယ်။ ထမင်းဆိုင်တွေနဲ့ နီးစပ်တဲ့ကြက် ကြော်သည်တွေဆို ဈေးဝယ်က ပူပူလေးစားချင်လို့ပါဆိုလည်း ပြန်ကြော်ပေးတယ်။ တချို့က တော့ ကိုယ်စားဖို့တင်အားမရ။ ချစ်သူခင်သူမိတ်ဆွေတွေအတွက်ပါ ပါဆယ်ဝယ်ကြတယ်။
လက်ပံပျားကြက်ကြော်က ပြုတ်ပြီးကြော်တာမျိုးမဟုတ်ဘဲ အစိမ်းအတိုင်းကြော်တာမျိုးဆို တော့ မွှေးပြီးအရသာရှိလှတယ်။ ၀ယ်ပြီး သုံးလေးရက်လောက် အေးအေးဆေးဆေးထားလို့ရ တယ်။ အိမ်ကျမှ အချိုမှုန့်စားတတ်ရင် နည်းနည်းလေးနယ်ပြီး ပြန် ကြော်စားရင်လည်း ကောင်းတယ်။ကြက်သားကို နွှင်ပြီး ခရမ်းချဉ် သီးနဲ့ ချက်စားလည်း ကောင်း တယ်။ အစပ်စားတတ်သူတွေ ငရုတ်သီးနဲ့ ပြန်ကြော်မယ်ဆို လည်း ရှယ်ပါပဲ။
ကြက်ကိုမပြုတ်ဘဲ ရေနွေး ဖြောပြီး လက်မ ၂၀ လောက်ရှိတဲ့ မိုးပြဲဒယ်ကြီးတွေနဲ့ ကြော်လေ့ရှိ တယ်။ အချိုမှုန့်မသုံးဘူး။ ဆား လေးသာ နည်းနည်းပွတ်တယ်။ ကြက်ကြော်တဲ့အခါ ဆီကို ဆီအ စိမ်းနဲ့ ဆီအကျက်မျှအောင်ထည့် ရတယ်။ တစ်ဝက်စီထည့်ကြော် လည်းဖြစ်တယ်။ မမျှရင် ကြက်ကြော်က မလှဘူး။
ရင်အုပ်သက်သက်၊ ပေါင်သက်သက်၊ ကလီစာသက်သက်ကြော်တယ်။ မီးကလည်း ပုံမှန်ထိုးပေးရတယ်။ ကြက်ကြော်လှ၊ မလှ မီးထိုးတဲ့အပေါ်မှာလည်း မူတည်တယ်။ တချို့ကတော့ ကြက်ကြော်ကို ခပ်ရဲရဲလေးမှ ကြိုက်သလို ခပ်ဖျော့ဖျော့လေး ကြိုက်တတ်တဲ့သူတွေလည်း ရှိတယ်လို့ လက်ပံပျားရွာသား ကိုထွန်းထွန်းက ရှင်းပြတယ်။
တချို့က လက်ပံပျားကြက် ကြော်ကို စီပီကြက်တွေကို ဗမာ ကြက်ဆိုပြီး ရောင်းတယ်လို့ အ ထင်လွဲကြတယ်။ မဟုတ်ပါဘူး။ လက်ပံပျားမှာ စီပီကြက်လုံးဝမ ရောင်းဖို့ ကိုယ့်စီးပွားကိုယ်တုတ်နဲ့ မထိုးဖို့ ကျေးရွာအုပ်ချုပ်ရေးမှူး က တင်းတင်းကျပ်ကျပ်မှာထား တယ်လို့ ကိုထွန်းထွန်းက ပြောပြ တယ်။ ‘‘နာမည်ပျက်သွားရင် လုပ် စားလို့မရတော့ဘူးလေ’’လို့ ကို ထွန်းထွန်းက ပြောတယ်။
ဗမာကြက်ကိုပဲ သုံးရတာဆို တော့ လက်ပံပျားရွာဝန်းကျင်မှာ ဗမာကြက်က အတော်လေးရှား လာတယ်။ ဒါကြောင့် ဗမာကြက်ရဖို့ ရွာနီးချုပ်စပ် ကြက်အရှာထွက် ရတယ်။ နတ်မောက်၊ တောင်တွင်းကြီး၊ ပျော်ဘွယ်၊ သာစည်၊ ညောင်ဦးဘက်တို့အထိကို သွားရှာရ တယ်။ ဆိုင်ကယ်တစ်စီးနဲ့ ရွာစဉ် ရွာကြား ဗမာကြက်ရှာရတာ ဓာတ်ဆီငါးဘူးလောက်ကုန်တယ်လို့ ကိုထွန်းထွန်းက ပြောပြတယ်။
တစ်ရွာဝင်တစ်ရွာထွက် ကြက်မွေးတတ်တဲ့ အိမ်တွေဆီ ကြက်ရောင်းဖို့ရှိ၊ မရှိ ၀င်မေးရ တယ်။ ဗမာကြက်ဆိုတာလည်း တခြားမွေးမြူရေးကြက်တွေလို ခြံ နဲ့ဝင်းနဲ့မွေးထားတာမျိုးမဟုတ် တော့ တစ်အိမ်တစ်အိမ်မှ ငါး ကောင်ခြောက်ကောာင်လောက် ရောင်းတတ်ကြတာ။ ရောင်းမယ် ဆိုရင် သည်အတိုင်းရော့အင့်ဆို ပြီး ၀ယ်လို့ရတာမဟုတ်။ ရောင်း မယ့်ကြက်ကို လူနှစ်ယောက်သုံး ယောက်လောက်က ၀ိုင်းဖမ်းရ တယ်။ ကြက်ပြေးနိုင်မယ့်ဘက်ကို ပိုက်ထောင်ထားရတယ်။ ကြက် က တောင်ပြေးလိုက် မြောက်ပြေး လိုက်ဆိုတော့ နေ့ခင်းနေပူပူ ချွေးသံတရွှဲရွှဲနဲ့ လိုက်ဖမ်းပြီး ၀ယ်ရတယ်လို့ ကိုထွန်းထွန်းက ပြောပြတယ်။
ဒါကြောင့် ဗမာကြက်သုံးတဲ့ လက်ပံပျားကြက်ကြော်က စားဖူး သူတွေ သဘောကျကျတယ်။ ခရီး သွားတွေကလည်း ရောက်တုန်း ရောက်ခဲဆိုတော့ အားရပါးရ ၀ယ်စားလေ့ရှိကြတယ်။ ကိုယ်ပိုင်ကားသေးလေးတွေဆို ဈေးပိုပေး တတ်ကြတယ်။ တော်သလင်းလ ပုပ္ပားမှာ ဘိုးတော်ထွက်ပွဲအခါ ရောက်ပြီဆို လက်ပံပျားကြက် ကြော်သည်တွေ လက်ပန်းပေါင်း ခတ်ပေရော့။ ဟိုကားကလည်း လက်ပံပျားကြက်ကြော်၊ ဒီကားကလည်း လက်ပံပျားကြက်ကြော် အသည်တစ်သည်သိန်းချီ ရောင်းရတယ်လို့ ဆိုတယ်။ တော်သလင်းကအစ သီတင်းကျွတ်တန်ဆောင်တိုင်တွေမှာလည်း ရောင်းရတယ်။ သင်္ကြန်မတိုင်မီလည်း ရောင်းရတယ်လို့ ဆိုကြတယ်။
ဈေးရောင်းကောင်းတဲ့အခါ ဆိုရင်တော့ ညနေ ၃နာရီလောက် ဆို ကုန်တတ်တယ်။ အရောင်း နည်းနည်းလေးအေးတယ်ဆိုရင် တော့ လာတဲ့ကားကို လက်ပံ ပျားကြက်ကြော်သည်တွေ ပြေး လွှားရောင်းကြရရှာတာပါပဲ။ ပေါင်နဲ့ ရင်အုပ်အရင်းအတိုင်းပေး ပြီး ကလီစာလေးအမြစ်အသည်း လေးအမြတ်ယူရောင်းရတဲ့အခါ လည်း ရှိတယ်။
ဈေးရောင်း မကောင်းတဲ့ အခါ ကြက်ကြော်သည် အမျိုး သမီးလေးတွေက ရောင်းချင်ဇော နဲ့ ကြက်ကြော်ကို ထည့်မပြော တော့ဘဲ ‘‘ယူပါအစ်ကိုရယ်။ ကျွန် မပေါင်က အကြီးကြီးပါ။ ကျွန်မ ရင်အုပ်က အကြီးကြီးပါ’’ဆိုပြီး ပြောဆိုရောင်းချတဲ့အခါ ဘေးနား က ကြားတဲ့ ရွာထဲက ကာလသား တွေဆို တခွိခွိရယ်တတ်ကြတယ်။ နောက်ပြီး စိုးစန္ဒာထွန်းရဲ့ ကျွန်မဘ၀ညဥ့်နက်ရပြီကွယ်ဆိုတဲ့ သီချင်းစာသားကို သူတို့ရောင်းနေတာနဲ့ လိုက်အောင် ပြောင်းဆို ညည်းတတ်ကြတယ်။ ဘာတဲ့။ ‘‘ကျွန်မဘ၀ ကြက်ဖြစ်ရပြီကွယ်’’ တဲ့။
လက်ပံပျားကြက်ကြော် နာ မည်ကြီးတော့ ရန်ကုန်က ထမင်း ဆိုင်တချို့က နည်းယူဖို့ ရွာက ကြက်ကြော်တဲ့သူတချို့ကို ငွေစ ကြေးစပေးပြီး ခေါ်သွားဖူးတယ်။ ရွာက လူတွေသိသွားတော့ လိုက် သွားတဲ့သူတွေကို ဆူကြတာပေါ့။ နင်တို့ ထမင်းအိုးကွဲသွားချင်သ လားပေါ့။ သူတို့တွေက ဆိုင်ကြီး ကနားကြီး ငွေကြေးကလည်း တောင့်မှတောင့်။ လက်ပံပျား ကြက်ကြော်ဆိုပြီး နိုင်ငံအနှံ့ဆိုင် တွေဖွင့်လိုက်ရင် တို့ဘယ်လို ရောင်းစားလို့ရတော့မလဲဆိုတဲ့ အတွေးနဲ့ ရိုးရှင်းစွာစိုးရိမ်ခဲ့ကြတာ ပါ။ ရွာရဲ့ ၉၀ ရာခိုင်နှုန်းလောက် က ကြက်ကြော်ရောင်းရတဲ့ စီးပွား ရေးကို မှီခိုအားထားနေရတာဆို တော့ ကြက်ကြော်ကပေးတဲ့ ဒီစီး ပွားအိုးတုတ်နဲ့ အထိုးခံရမှာ စိတ် ပူကြတာပါ။
စိတ်ပူမယ်ဆိုလည်း ပူစရာ ပါ။ ကျေးလက်ဒေသတွေမှာ ဖြစ် ပျက်နေတဲ့ မိုးလေ၀သမမှန်လို့၊ မိုး ခေါင်လို့ ဒုက္ခရောက်ရတဲ့ ရွာတွေ ထဲ လက်ပံပျားရွာလေးလည်း အပါ အ၀င်ပေါ့။ အခုဆို လက်ပံပျားရွာ မှာ မိုးခေါင်တာ ခုနစ်နှစ်လောက် ရှိပြီ။ စိုက်ရေးပျိုးရေးကလည်း အဆင်မပြေတော့။ စပါးရနေတဲ့ လယ်တောင် ရေမရလို့ ယာပြောင်းစိုက်နေရတဲ့ အဆင့်ရောက်သွား ပြီ။ မိုးလေ၀သမမှန်၊ စိုက်ရေးပျိုး ရေးမဖြစ်လို့ ဒေသခံတွေလည်း ရေကြည်လောက်မယ်၊ မြက်နု လောက်မယ်ထင်တဲ့ ဖားကန့်၊ မိုး ကုတ်၊ ပြည်ပဆို ထိုင်း၊ မလေးရှား တို့ရောက်ကုန်ကြပြီလို့ လက်ပံ ပျားရွာသား ကိုထွန်းထွန်းက ဆိုပါတယ်။ ဒါကြောင့် ကြက်ကြော် ရောင်းတဲ့ စီးပွားလေးထိခိုက်သွား မှာ စိုးရိမ်ကြတယ်။ ဒါကြောင့် ကြက်ကြော်နည်းလေးလာမေး ရင်ကို
သူတို့မှာ ဘာလဲဆိုပြီး စိတ် ပူတတ်ကြတယ်။
ဘာပဲဖြစ်ဖြစ်ပါ။ ကြက်တစ် ကောင်လုံး တစ်ကျပ်ခေတ် လောက်ကတည်းက ရောင်းခဲ့တဲ့ လက်ပံပျားကြက်ကြော် အခုတော့လေးငါးထောင်ဈေးဖြစ်နေလည်း ရောင်းနေရဆဲပဲ။ နှစ်ပေါင်းဆိုရင် လည်း သုံးဆယ်လောက်တောင် ကျော်လာခဲ့ပြီ။ အခုချိန်ထိ လက်ပံပျားကြက်ကြော် ပန်းပန်ထားနိုင် ဆဲ။ ဒေသတစ်ခုရောက်တိုင်း အဲဒီ ဒေသကထွက်တဲ့ အစားအစာ ပစ္စည်းလေးတွေ ၀ယ်ယူစားသုံး တာဟာ အဲဒီဒေသလေးတွေ ဖွံ့ ဖြိုးတိုးတက်ဖို့ တစ်တပ်တစ်အား အားပေးရာရောက်တယ်လို့ ဆိုခဲ့ မယ်ဆိုရင်....။
ညီညီဇော်
7 days
Comments
Post a Comment